{{ title }}

{{ title }}

{{ description }}

Samband
fo

Vónin Flyer

Gevur sterka uppdrift

Nýhugsan innan høvuðlínu uppdrift

Flyer frá Vónini er ein sera einfaldur lutur at knýta í høvuðlínuna á trolum og gevur eina væl munadyggari uppdrift, enn hvat ið vanlig flot og høvuðlínu drekar megna. Flyer verður krøktur á høvuðlínuna á trolinum umvegis ávís festipunkt, og beinan vegin reiðskapurin byrjar at flyta seg gjøgnum sjógvin, skapar Flyer uppdrift — tess skjótari togað verður, tess størri verður uppdriftin.

Ein Flyer er 80 cm og fyllir somu rúmd sum fýrs 8-tumma flot.
Tess skjótari Flyer verður togaður, tess størri uppdrift gevur hann.

Flyer hevur síni egnu innbygdu flótievni við hjálp av tveimum flotum, sum útgera endarnar á eindini við trimum hydrodynamiskum sporkanalum millum báðar síðurnar. Flotini halda Flyer flótandi um ferðin á toginum fer heilt niður í einki soleiðis, at Flyer verður allatíðina hildin burtur frá sjálvum trolinum. Samstundis hjálpir hetta eisini Flyer at rætta seg til, meðan reiðskapurin verður kastaður. Hetta gevur Flyer sín egna stabilitet, og eingin eyka rigging ella stýring krevst. Flyer rættar seg til sjálvvirkandi og skapar uppdrift í mun til ferðina á togingini.

“Eg vil siga, at eg eri nøgdur við, hvussu hetta tólið arbeiðir — Flyer. Umframt at hann veksur um tað vertikala opið á trolinum, hevur Flyer ein positivan virknað í at stabilisera høvuðlínuna og alt trolið, sum tað er. Hetta er ógvuliga gott.”

Dmitry – Chif catch master F/t ”Melkart-3

Nógv meiri effektivt enn flot

Flyer eindin sum heild fyllir somu rúmd á høvuðlínuni á einum troli sum fýra 8-tumma flot, ið geva 12 kg of flótievni, men Flyer skapar munandi størri uppdrift. Við togiferð upp á 2,5 míl, gevur hann 45 kg í uppdrift, vaksandi til 63 kg við 3-míla ferð og 84 kg við 3,5 míl. Við 4 míl er uppdriftin 106 kg, og soleiðis kundu vit hildið fram. Eitt standard Bacalao 630 trol av tí slagnum, sum føroyskir partrolarar brúka, er vanliga riggað við 150 8-tumma flotum, og teoriin er, at í mun til at toga við 3,5-míla ferð skapa vit somu uppdrift við bert seks Flyer eindum.

Tá ið togað verður á 3,5 míla ferð, skapar hvør Flyer eind 85 kg í uppdrift, sum svarar til umleið tredivu vanlig flot.


Flyer kann riggast á ymisk punkt á høvuðlínuni á einum troli fyri at skapa uppdrift og vinna hædd meira munadygt samanborið við, hvat ið fæst við vanligum flotum. Hann kann eisini sita væl á veingjunum ella enntá úti á veingjaendunum, og hann nýtist ikki at verða riggaður beint eftir vatnstreyminum fyri at vera effektivur.


Vónin hevur patent upp á Flyer

Minni dálking av havinum

Vit kunnu eisini hyggja at hesum úr einum umhvørvisligum sjónarmiði, við tað, at trolflot ofta brotna ella verða mist, og plastdálking á havinum er við at gerast ein alsamt vaksandi trupulleiki. Flyer minkar um mongdina av plasti í havinum við, at hann fyllir nógv minni samanborið við eina høvuðlínu spekkað við vanligum trolflotum.


Aðrar vørur


Sølutoymið

søren
Søren Havmand
Føroyar, Tórshavn
Sales Manager – Bottom & Shrimp Trawls
oli
Óli Horn
Føroyar, Tórshavn
Sales Manager – Bottom & Shrimp Trawls
jan
Jan Klein
Føroyar, Tórshavn
Sales Manager – Bottom Trawls

Vónin á Instagram