Tað byrjaði alt í 1969…

… og í dag er Vónin ein altjóða leiðandi mennari og framleiðari av dygdar fiskireiðskapi og aliútgerð við deildum í Noregi, Grønlandi, Kanada og Russlandi, pluss framleiðsluvirki í Litava umframt fleiri serdeildir í Føroyum og ein ógvuliga altjóðaligan kundaskara.

Tað, sum í 1969 byrjaði sum eitt tiltak at framleiða fiskireiðskap til tann lokala flotan, sett ígongd av nøkrum fiskimonnum, er vaksið til eina av Føroya fremstu útflutningsfyritøkum, við víðkaðum fokus frá at burturav arbeiða við heimaflotanum til at arbeiða kring allan heimin. Vónin hevur ment seg frá tí smáa og lokala til eitt høgt spesialiserað og veruliga altjóðaligt virksemi við ørgrynnu av serkunnleika og royndum aftan fyri sær. 

Søgan

Vónin verður stovnað í 1969

av Olaf Olsen, Jákup Oluf á Lakjuni, Otto Dam, Janus av Reyni og Sámal G. Jacobsen tá teir keyptu trolaran, ið kallaðist Vónin

1971

Trolverkstað letur upp í Fuglafirði

1975

Trolverkstað letur upp í Havn

1977

Nýtt trol- og nótavirki við royndartanga er bygt í Fuglafirði

1980

Farið verður undir at framleiða útgerð til alivinnu

1989

Lata upp deild í Newfoundlandi

2000

Byggja nýtt trolvirki í Havn

2002

Yvirtaka trolverkstaðið hjá Polar Seafood í Grønlandi

2002

Ársins Virki

2005

Yvirtaka trolverkstaðið hjá Royal Greenland

2006

Yvirtaka alinótavirkið við Norðskála

2008

Leggja saman við RFG í Noregi, nú nevnt Vónin Refa

2008

Lata upp søluskrivstovu í Murmansk í Russlandi

2011

Ársins Virki

2014

Byggja framleiðsluvirki í Litava

2018

Byggja nýtt trol- og nótavirki og høvuðsskrivstovu í Fuglafirði

2019

Lata upp søluskrivstovu í Vladivastok í Fjareysturs Russlandi

2019

Víðka nótavirkið við Norðskála

2021

Yvirtaka verkfrøði- og designvirkið Volu Ventis

Fokus á nýskapan og dygd

Meðan fiski- og alivinnan eru vorðnir alsamt meira krevjandi og kappingarharðir ídnaðir, hevur Vónin tillagað seg í mun til hetta við at menna slitsterkt og robust tilfar eftir egnum fyriskriftum, og hevur bygt upp sítt egna úrval av álítandi vørum. Við at arbeiða tætt saman við vinnuni hava vit uppnátt eitt høgt stig av vørudygd, og vit eru errin av okkara avrikum.

Sum vit altíð hava gjøgt, so síggja vit til, at okkara uppfinningar og royndir fara fram í tøttum samstarvi við vinnuna, soleiðis at hugskotini sjálv, sum koma frá antin okkara sera dugnaligu starvsfólkum ella frá kundanum, kunnu verða umhugsað, roynd í okkara teldusimulatorum og bygd sum niðurskalerað modell at testa í royndartangum. Tá ið vit kenna, at vit eru komin fram til eitt optimalt úrslit, lata vit sniðini og produktini verða testað av til fulnar úti á havinum av okkara egnu serfrøðingum og royndum kundum.

Nýskapandi snið

Álítandi tilfar

Serstakt handverk

Skraddaraseymaðar loysnir

Burðardygd

Vónin hevur bundið seg til at minimera burturkast frá sínari egnu framleiðslu umframt tað, at vit veita okkara kundum reiðskap sum varir — hvat ið aftur hevur við sær at burturkastið verður sum allarminst.

Okkara sikti er at veita vørur av hægstu dygd bæði í funktión og styrki, sum ger tað møguligt fyri fiskiskip at halda orkunýtsluni, og harvið eisini útláti, so langt niðri sum møguligt. Sum vit vaksa um okkara fokus á burðardygd, leggja vit eisini alsamt størri dent á at vera partur av einari veitingarketu, sum framleiðir minimalt burturkast av tilfeingi, aftur fyri størst møguligu framleiðslu av proteinum úr sjónum.

Tað er týdningarmikið fyri okkum at eiga ein leiklut í at varðveita umhvørviið fyri komandi ættarlið og gera best møguligu nýtslu av tí avmarkaða tilfeingi, ið er okkum til taks.

Hvørt ár sendir Vónin eina rættiliga stóra mongd av liðugt brúktari aliútgerð til endurumferð og endurnýtslu. 

Vónin er partur av samtakinum Burðardygt Vinnulív, har tólv fyritøkur í Føroyum í felag miðja eftir at fremja burðardyggar vinnuvanar og geva íkast til ST Burðardyggar Menningar Málsetningar.

ENDURNÝTSLA 2022

Tilfar, sum Vónin samtakið saman við kundum hevur savna saman og sent til endurnýtslu í 2022

---

Kraftblokkanótir
og líknandi tilfar

120.144 kg

sent til polivektris.lt

Alinótir,
trol og tog

879.848 kg

sent til nofir.no

Fornet, boyur og
annað plast

69.680 kg

sent til plastixglobal.com

Lemmar og
annað metal

106.200 kg

sent til metallco.com
og hjhansen.dk

Umhvørvisligur ágóði

Av 879.848 kg endurnýttum tilfari sambært Nofir

Kolevnis-ávirkanin minkar umleið

3214672

kg CO2 eq.

Minkingin av veðurlagsgassum kann sammetast við at

29224

ferðafólk flúgva frá Oslo til London

Minkingin av tilfeingi, sum ikki fæst aftur, er umleið

1452962

kg olju eq.

ST Burðardyggar Menningar Málsetningar

Allir ST Burðardyggar Menningar Málsetningar eru týdningarmiklir fyri okkara strategi, dagliga rakstur og ta virðisketu, vit eru partur av. Vit hava peikað út tríggjar Burðardyggar Menningar Málsetningar, ið fyri okkum hava serstakliga stóran týdning: