ALTURA

---

STÝRBARIR LEMMAR TIL BOTNFISKISKAP

Stýrbarir lemmar til botnfiskiskap

Altura er nýggjasta lemmaloysnin frá Vónini, menningarliga bygd á somu tøkni sum Twister. Har Twister upprunaliga varð ment til pelagiskan fiskiskap, er Altura serliga sniðgivin til semi-pelagiskt og botnfiskiskap. Endamálið er at geva skiparum fulla stýring á lemmunum og samstundis betra bæði um fiskiveiðu, rakstur og umhvørvislig atlit. 

Ein týðandi nýhugsan í Altura er innbygdi botnsonarin, sum støðugt mátar frástøðuna til havbotnin. Við hesum kunnu lemmarnir halda eina neyva hædd yvir botninum ella skjótt tillagast, um botnurin broytist. Hetta minkar um óneyðugt samband við havbotnin og gevur eina tryggari og meira effektiva veiðu. ​

Skipanin gevur eisini møguleika at stýra hvørjum lemmi fyri seg. Tað ger tað lættari at handfara sterkar streymar, brattar hallir og torfør botnviðurskifti. Lemmarnir kunnu javnt halda dýpdina gjøgnum snaringar og aðrar manøvrur, soleiðis at bæði trolið og veiðan verða betur stýrd. ​

Bygt á somu skipan sum Twister

Altura snildlemmar (Smart Doors) nýta somu patenteraðu spjell-skipan og somu stýrisskipan sum Twister. Hetta merkir, at lemmarnir kunnu stýrast við hjálp av akustiskum signalum, meðan fiskað verður. Til ber hjá skiparanum at broyta dýpið og regulera lemmarnar undir fiskiskapi uttan stórar broytingar í mótstøðu. Við hesum fær skiparin nógv betri møguleika at tillaga veiðuna eftir umstøðunum á havbotninum og eftir fiskinum, sum verður fiskaður. ​

Spjell

Flexibiliteturin í Altura eins og í Twister lemmunum kemst av teimum fjøltáttaðu spjellunum, sum broyta streymin av vatni, sum fer gjøgnum tey bæði settini av kanalum, har hvør lemmur er útgjørdur við ovari og niðari spjellum. Hetta ger tað møguligt at stilla til størri ella minni spreiðikraft. Tá boðini av brúnni eru farin niður til trollemmarnar, fara spjellini, í gongd. Tey stýra nøgdini av vatnstreyminum gjøgnum táknirnar á lemmunum, so teir antin søkja upp ella niður í sjógvin.
Spjellini eru eitt lykla element í snildlemma hugtakinum hjá Vónini.

Eitt týðandi framstig

Ein av stóru fyrimununum við Altura er, at hon kann hjálpa til at minka um brennievnisnýtslu og CO₂-útlát. Tá lemmarnir verða hildnir burtur frá botninum og kunnu stýrast nágreiniliga, minkar mótstøðan, og fiskiskapurin gerst meira orkusparandi. Samstundis kann hetta minka um ávirkanina á havbotnin og verja bæði reiðskap og náttúru.

Altura er eitt týðandi framstig innan botnfiskiskap. Við framkomnari stýring, innbygdum botnsonari og vælkendu Twister-tøknini fær manningin betri tamarhald á veiðuni, lægri rakstrarkostnað og møguleika fyri einari meira burðardyggari veiðu. Skipanin vísir, hvussu nýggj tøkni kann sameina effektivan fiskiskap við størri atliti at umhvørvinum.

Aðrar vørur

Vónin Twister

ĺ menningini av teimum nýggju Twister uppsjóvarlemmunum tók Vónin frá byrjan støði í somu meginreglum, sum høvdu lagt lunnar undir tað sera væl eydnaða Tornado designið.

Vónin Storm

Tá Vónin fór undir at kanna marknaðin fyri trolhurðar, byrjaðu sniðgevararnir hjá felagnum við einum lista yvir øll krøv til eitt nýtt trolhurðadesign. Lemmarnir skuldi uppfylla tørvin hjá botntrolarum, ið royna á torførum fiskileiðum við grýtunum botnlendi og í økjum, har havísur kann vera ein gerandis avbjóðing.

Vónin Zenith

Fiskiskip hava fingið sína veiði økta upp til 10%, tá ið tey hava skift yvir til hetta botntrolið, sum hevur eitt høgt gap og veldiga spreiðing.

Sølutoymið

Send teldupost til:
{{selectedEmployee.title}}

• {{error}}

Tíni boð eru send.

Navn*

Fyritøka*

T-post*

Telefon*

Boð*

Send

{{ employee.title }}

{{ getLocations(employee) }}

{{ employee.job_title }}

Telefon: {{ employee.phone }}

Send teldupost