TWISTER

---

STÝRBARIR SNILDLEMMAR

Kunnu stýrast av brúnni

Eyðkendu Twister trollemmarnir vóru við sínum effektiviteti eitt frambrot, tá teir komu á marknaðin fyri nøkrum árum síðani. Menningin steðgaði tó ikki har, tí síðani hevur verið arbeitt við at gera trollemmarnar soleiðis at teir kunna stýrast.

Fyrsta stigið var at menna eina stýring, har trollemmarnir halda sama dýpi í sjónum, óansæð hvussu skipið siglir og snarar. Stýringin bleiv roynd í makrelfiskiskapinum hjá Tróndi í Gøtu, og úrslitini vóru sera góð. Trollemmarnir hildu dýpið, ið teir vóru settir til.

Nú er so triðja ættarlið av Twister trollemmum frá Vónini komin á marknaðin. Hesir kunnu stýrast beinleiðis av brúnni, meðan fiskað verður. Til ber at broyta dýpið á lemmunum, meðan teir eru í sjónum. Boðini millum skipið og lemmarnar verða stýrd av eini framkomnari telduskipan, einum modemi, á brúnni. Hetta er eitt frambrot, sum gevur nakrar heilt nýggjar møguleikar.

Tríggjar ymiskar skipanir:

“Eg eri ovfarin av, hvussu væl teir royndust frá fyrsta degi, uttan stórvegis stillingar. Trollemmarnir varðveittu ásetta dýpið, sjálvt í hørðum streymi inn á síðuna og tá vit snaraðu hart í borðið. Fiskiskapurin gerst meira effektivur, tá trollemmarnir halda rætta dýpið. Tað málið hava vit rokkið. Fyrr kravdi tað nógv arbeiði og uppmerksemi at stýra trollemmunum við at hála og lora trolveir, men nú sleppa vit undan tí. Tað gevur munandi betri møguleikar at hugsavna seg um onnur ting í fiskiskapinum“

Emil Petersen Á Lygnnesi, skipari á Tróndur í Gøtu

Spjell

Flexibiliteturin í Twister lemmunum kemst av teimum fjøltáttaðu spjellunum, sum broyta streymin av vatni, sum fer gjøgnum tey bæði settini av kanalum, har hvør lemmur er útgjørdur við ovari og niðari spjellum. Hetta ger tað møguligt at stilla til størri ella minni spreiðikraft. Tá boðini av brúnni eru farin niður til trollemmarnar, fara spjellini, í gongd. Tey stýra nøgdini av vatnstreyminum gjøgnum táknirnar á lemmunum, so teir antin søkja upp ella niður í sjógvin.

Ein einfald skipan við sveivi ger tað eisini lætt fyri ein einsamallan persón at stilla spjellini, meðan lemmarnir eru á hekkuni. Hetta er ein patenterað (patent-pending) skipan, ið inniber at eingin tørvur er á at flyta sjeklar fyri at stilla upp á lemmarnar.

Spjellini eru eitt lykla element í snildlemma hugtakinum hjá Vónini.

Einastandandi spreiðikraft við minimalari mótstøðu

Twister lemmarnir vórðu tiknir gjøgnum eina harða royndartilgongd fyri at tryggja, at teir gjørdu alt tað, sum útrokningarnar vístu, at teir skuldu gera — og tað gjørdu teir, og skveraðu enn meira enn Tornado lemmarnir. Hesar effektivu nýggju trolhurðar eru serliga sniðgivnar til lága vatnmótstøðu og stóra spreiðikraft, og byggja á og betra somu flow booster meginreglu, sum fyrr hevur virkað so væl. Spreiðikraftin í Twister lemmunum hevur verið prógvað í drúgvum royndum á sjónum sum einastandandi, og lemmarnir skvera út, so skjótt teir koma í vatnið.

CL talið á Twister trolhurðunum upp á 4,39 verður hildið at vera nakað av tí hægsta fyri nakrar lemmar yvirhøvur á marknaðinum, og CL/CD virðið varierar millum 3,16 og 3,60, alt út frá innstillingunum í spjellskipanini og framferðarvinklinum. Innstillingarnar í spjellskipanini hava sera lítla ávirkan á CL/CD tølini fyri lemmarnar, sum merkir, at Twister er lættari at toga, tá ið uppdriftin (CL virðið) verður minkað.

Max CL: 4,39 (Sintef)

Framferðarvinkulin (AOA) kann fevna um so nógv sum 25 stig

Framúr stabilitetur sjálvt tá skipið vendir

Stabilitetur og flexibilitetur

Skipararnir, ið vóru við til at gjøgnumføra tær drúgvu royndirnar av Twister lemmunum, vóru serliga ovfarnir av stabilitetinum á hesum lemmunum, sum kunnu venda undir tóvi, nakað sum ikki hevði verið møguligt við nøkrum øðrum lemmum. Umframt stabilitetin í Twister lemmunum er flexibiliteturin víðfevnandi. Lemmarnir hava verið brúktir í ymiskum uppsjóvar fiskaríum, frá at royna eftir spjaddum fiski á størri dýpi og til at jaga eftir styggum stimum av skjótt svimjandi makreli nakrar fáar metrar undir vatnskorpuni. Twister trolhurðarnar bjóða upp á eitt vítt umfang av spreiðikraft, alt eftir festipunkti og innstilling av lúkum; tað gevur CL virðir, ið spenna frá 2,65 og allan vegin upp til 4,39. Hesin flexibiliteturin merkir, at Twister lemmarnir hóska til eina røð av ymiskum trolsniðum og -støddum.

Styrki

Twister lemmarnir frá Vónini eru bygdir til at vara. Lemmarnir eru gjørdir úr stáli av høgari dygd og høgari styrki, við fult sveisaðum seymum á øllum samankomingum, og allar sveisimannagongdir eru certificeraðar.

STØDDAR OG VEKTARMÁT

STØDD	VEKT
6,0 m2	2100
7,0 m2	2475
8,0 m2	2850
9,0 m2	3225
10,0 m2	3100
11,0 m2	3975
12,0 m2	4350
13,0 m2	4725

Read more

Vónin Twister tíðindi

Aðrar vørur

Vónin Gannet

Eitt munadygt og fjølnýtiligt flótitrol við sterkum byggisniði fyri bæði hart og spjatt fiskarí.

Vónin Falcon

Flótitrol við kompaktum belli, lætt at mannirera til at fara eftir skjótt svimjandi torvum.

Vónin Tornado

Tornado lemmarnir eru øðrvísi og nýskapandi. Hetta pelagiska trolhurða sniðið hevur eina samanseting av fimm kanalum og tí kollveltandi, patenteraðu Flow Booster tøknini.

Sølutoymið

Send teldupost til:
{{selectedEmployee.title}}

• {{error}}

Tíni boð eru send.

Navn

Fyritøka

T-post

Telefon

Boð

Send

{{ employee.title }}

{{ getLocations(employee) }}

{{ employee.job_title }}

Telefon: {{ employee.phone }}

Send teldupost