Nýggj tøkni til alivinnuna: APB Boyur

Vónin hevur í nógv ár selt boyur av slagnum AQUA og eitt sindur av APBXL.

Tað nýggja slagið eitur APB, og tað verða 2 sløg ið vit koma at hava á goymslu – APB1000 FO og APB1500 FO.

Alivinnan stendur ikki í stað – og tað ger Vónin heldur ikki. Við støðugari menning og nýhugsandi loysnum, veitir Vónin nú APB boyur til alivinnuna.

APB boyurnar fáast í støddum frá 500L upp til 6600L, og eru sniðgivnar soleiðis, at tær kunnu setast saman sum byggiklossar. Hetta gevur bæði fleksibilitet og skjóta arbeiðsgongd, tá størri og meira samansettar loysnir skulu setast saman úti á sjónum.

Fyri at tryggja eitt javnt arbeiðstrýst og gagnnýta allar litrarnar í boyuni, er ketan sett fast í toppinum og gongur ígjøgnum miðjuna á boyuni. Hetta gevur eitt betri tyngdarbýti og stabilitet í sjónum – ein týdningarmikil eginleiki, tá umhvørvið er óstøðugt og treytirnar krevjandi.

Boyurnar hava eisini stengur frá toppinum til botnin, sum tryggja at besløgini eru føst og stressfrí. Umframt hetta, kunnu boyurnar hava haldara til ljós um tørvur er á tí.

Við APB boyunum bjóðar Vónin eina sterka og sniðgivna loysn, sum hóskar seg væl til krøvini í alivinnuni.