Vónin
Tað byrjaði alt í 1969, og í dag er Vónin ein altjóða leiðandi mennari og framleiðari av dygdar fiskireiðskapi og aliútgerð, umframt at veita certificeraðar loysnir til byggivinnuna og annan ídnað á landi.
Aftur
Hendan dátuverndarkunning gevur innlit í, hvussu P/F Vónin (“vit”, “okkum”, “okkara”), viðgerð persónupplýsingar. Kunningin er málrættað øllum pørtum, ið vit savna inn ella móttaka persónupplýsingar frá so sum gestir, kundar, starvsfólk hjá okkum ella okkara veitarum og samstarvspørtum ella frá øðrum triðjapartum.
P/F Vónin er dátuábyrgdari fyri viðgerðini av teimum persónupplýsingum, ið verða skrásettir um teg. Sum dátuábyrgdari er tað skylda okkara at tryggja, at viðgerðin lúkar tey krøv, ið til eina og hvørja tíð eru galdandi sambært reglunum í dátuverndarlógini.
P/F Vónin kunnar teg við hesum um eina røð av viðurskiftum og rættindum, sum tú hevur sambært dátuverndarlógini. Í kunningini er nærri lýst, hvussu P/F Vónin viðgerð og verjir persónupplýsingar, sum vit hava ábyrgd av.
P/F Vónin hevur ábyrgd av persónupplýsingum hjá starvsfólkum á P/F Vónin, viðskiftafólki, samstarvspørtum og veitarum í sambandi við virksemi og tænastur okkara.
Viðgerð av persónupplýsingum verður framd við grundarlag í hesi kunning. P/F Vónin kann í ávísum førum senda ella útflýggja serliga kunning um viðgerð av persónupplýsingum, um viðgerðin ikki er nøktandi lýst í hesum skrivi.
P/F Vónin flytur sum meginregla ikki persónupplýsingar til annað triðjaland. Vit kunnu tó nýta útvaldar KT-veitarar, ið hava høvuðsskrivstovu ella viðgerða upplýsingar í triðjalandi, undir hesum USA. Í tílíkum førum tryggja vit, at avtalur samsvarandi standardásetingunum verða gjørdar við veitaran.
Endamál: Vit viðgera persónupplýsingar fyri at kunna veita ávísa tænastu, m.a. nýtir síðan ávís farspor, ið skráseta upplýsingar um tóleindina (teldu/teldil/snildfon) hjá tí vitjandi fyri at kunna betra um okkara síðu og veita tí vitjandi eina betri uppliving. Les meira um okkara nýtslu av farsporum ella broyt tínar stillingar á okkara kunning um farspor.
Heimild fyri viðgerðini: Vit viðgera upplýsingarnar grundað á samtykki frá tí skrásetta sbrt. § 8, stk. 1, nr. 1 í dátuverndarlógini. Harumframt er viðgerðin grundað á okkara heimilaða áhugamál, tá vit útinna innanhýsis greiningar av ferðsluni á netinum fyri at kunna betra um virknaðin av síðuni og upplivingina, hjá tí vitjandi sbrt. § 8, stk. 1, nr. 6 í dátuverndarlógini.
Sløg av persónupplýsingum: Vit viðgera vanligar persónupplýsingar, sum tann vitjandi sendir okkum umvegis heimasíðuna, undir hesum navn, bústað, teldupost og telefon umframt upplýsingar um stuðulsumsókn og endamál. Harumframt viðgera vit persónupplýsingar um tóleindina, IP-adressu, og farsporstillingar hjá tí vitjandi.
Kelda: Upplýsingar koma frá tí vitjandi.
Endamál: Endamálið við okkara viðgerð er at kunna betra um okkara sølu.
Heimild fyri viðgerðini: Viðgerðin er grundað á okkara heimilaða áhugamál, ið er at kunna veita kundanum eina góða tænastu.
Sløg av persónupplýsingum: Vit skráseta vanliga persónupplýsingar um sum navn, bústað, telefon nummar og teldupost bústað. Kundin hevur eisini møguleika at skráseta aðra adressu, sum vøran skal sendast til. Tað kann vera at vit eisini skráseta upplýsingar um starvsfólk hjá okkara kundum.
Kelda: Upplýsingarnar koma frá kundanum tá vit samstarva við tey.
Móttakarar av dátum: Sum meginregla lata vit ikki tínar persónupplýsingar víðari til annan dátuábyrgdara, men nýta vit í ávísum førum útvaldar KT-veitarar í sambandi við flutning og varðveitslu av upplýsingum. Vit tryggja, at neyðugar avtalur eru gjørdar við KT-veitaran, sum tryggja eina nøktandi dátuvernd.
Endamál: Endamálið við viðgerðini er at kunna viðgera starvsumsóknir umframt at meta um førleikarnar hjá umsøkjara til eitt opið ella framtíðarstarv hjá okkum.
Heimild fyri viðgerðini: Viðgerðin er grundað á okkara heimilaða áhugamál í sambandi við okkara viðgerð og meting av umsóknunum sbrt. § 8, stk. 1, nr. 6 í dátuverndarlógini. Í ávísum førum kann umsøkjari geva okkum samtykki til at varðveita umsóknina eitt avmarkað tíðarskeið, um eitt starv í staðin skuldi verið tøkt seinni sbrt. § 8, stk. 1, nr. 1 í dátuverndarlógini.
Sløg av persónupplýsingum: Vit viðgerða vanligar persónupplýsingar, sum umsøkjarin sendir okkum, undir hesum navn, bústað, telefonnummar og teldupost umframt aðrar upplýsingar, ið viðkomandi sendir okkum, so sum CV, próvtøl, myndir og annað tilfar.
Kelda: Upplýsingarnar koma frá umsøkjaranum. Vit kunnu í einari setanartilgongd eisini leita eftir alment atkomuligum upplýsingum um skrásetta á netinum umframt á sosialu miðlunum.
Móttakarar av dátum: Persónupplýsingarnir verða ikki latnar øðrum dátuábyrgdara. Vit nýta tó útvaldar KT-veitarar í sambandi við flutning og varðveitslu av upplýsingunum, m.a. veitara av teldupostskipan. Vit tryggja, at neyðugar avtalur eru gjørdar við KT-veitaran, sum tryggja eina nøktandi dátuvernd.
Varðveitslutíðarskeið: Starvsumsóknir verða varðveittar inntil setanartilgongdin er liðug. Óumbidnar umsóknir verða strikaðar 24 mánaðir eftir, at tær eru móttiknar.
Sambært dátuverndarlógini hevur tú eina røð av rættindum, nærri lýst í kapitli 4 í dátuverndarlógini. Rættindini eru hesi:
Tú hevur td. rætt til at fáa innlit í tínar persónupplýsingar, fáa strikað upplýsingar, sum P/F Vónin ikki longur hevur eitt endamál til at goyma og heimilað grundarlag til at viðgerða og at fáa rætta tínar persónupplýsingar, um hesar eru skeivar.
Um tú hevur spurningar til tíni rættindi og ynski um innlit vm., so hevur tú møguleika at senda teldupost til info@vonin.com ella ringja á telefon +298 47 42 00.
Skrivstovan er opin allar gerandisdagar millum kl. 8 og 16. Vit mæla til, at tú ikki sendir okkum viðkvæmar ella trúnaðar upplýsingar í hesum sambandi.
Hevur tú spurningar til okkara viðgerð av tínum persónupplýsingum ella ynskir tú at nýta tíni rættindi sum lýst omanfyri, ert tú altíð vælkomin at seta teg í samband við okkum.
P/F Vónin
Bakkavegur 66
FO-530 Fuglafjørður
+298 47 42 00
info@vonin.com
www.vonin.com
Ynskir tú at kæra yvir okkara viðgerð av tínum persónupplýsingum, verður tú vinaliga biðin um at senda okkum ein teldupost til info@vonin.com og lýsa málið. Vit viðgera kæruna og venda aftur.
Um mett verður at, vit ikki viðgerða tínar persónupplýsingar í samsvar við reglurnar í dátuverndarlógini, er møguligt at klaga til Dátueftirlitið. Fyri nærri kunning um, hvussu tú kanst senda Dátueftirlitinum eina kæru, verður víst til heimasíðu Dátueftirlitsins www.dat.fo.
Okkara dátuverndarkunning verður leypandi dagførd, tá ið viðkomandi broytingar eru. Dátuverndarkunningin er seinast dagførd tann 26.05.2025.
